Communicaziuns a las medias & Actualitads

Actual 28.01.2025

Gronda solidaritad da la populaziun cun «2 x Nadal»

La populaziun svizra e numerusas interpresas sustegnan persunas pertutgadas da povradad en l’agen pajais ed a l’exteriur: per la 28avla ediziun da l’acziun «2 x Nadal» han ellas regalà 390 tonnas mangiativas e products d’igiena per distribuir en Svizra. Per projects dal Succurs d’enviern da la Crusch Cotschna Svizra (CCS) a l’exteriur han ellas fatg donaziuns da 222'000 francs. Cun quests daners pon passa 50'000 umans sa legrar d’ina distgargia en il mintgadi.
[Translate to Rätoromanisch:] Paket, Post, Päckli, 2 x Weihnachten

Actual 04.12.2024

Parter cun umans che han pauc

L'acziun da «2 x Nadal» ha lieu quest onn per la 28avla giada. Ella sustegna persunas pertutgadas da la povradad en Svizra ed a l'exteriur. Las donaziuns da mangiativas bain conservablas e da products d'igiena per il corp vegnan repartidas a persunas pertutgadas en Svizra. A l'exteriur vegnan sustegnids cun ils daners collectads projects da l'agid d'enviern.

Communicaziuns a las medias 13.11.2024

Barat e plurilinguitad tar la SRG SSR e Movetia

In sigl sur ils cunfins linguistics renda visibla la diversitad en Svizra e promova il medem mument la coesiun: durant la segunda emna da barat naziunala da Movetia, che ha lieu dals 18 fin ils 22 da november, s'inscuntran scolar:as da differentas regiuns linguisticas dal pajais. La SRG SSR sustegna l'occurrenza sco partenaria da medias e realisescha il medem mument in barat da moderaziun tranter las unitads d'interpresa.

Communicaziuns a las medias 04.11.2024

La SRG SSR lantscha ina transfurmaziun d’interpresa cumplessiva

Ses emprim di da lavur annunzia la directura generala da la SRG SSR Susanne Wille a las collavuraturas ed als collavuraturs il cumenzament d’ina transfurmaziun d’interpresa cumplessiva. Per incumbensa dal cussegl d’administraziun ed en collavuraziun cun il comité directiv lantscha ella in process da svilup quai che reguarda la strategia e l’organisaziun. Quel vegn ad esser nov per la SRG SSR areguard il proceder, la profunditad, la cumplexitad e l’urari.

Communicaziuns a las medias 11.09.2024

La SRG SSR metta la musica svizra en il center

A chaschun dal Di da la musica svizra che ha lieu venderdi, ils 13 da settember, dat la musica helvetica en il tun sin las undas da radio da la SRG SSR: durant 24 uras datti in ritg program cun intervistas, represchentaziuns live e transmissiuns da concerts directamain dal Festival da musica Label Suisse. Er en la televisiun, sin ils chanals digitals – surtut sin la plattafurma da musica da la SRG SSR mx3.ch – e sin Play Suisse stat la musica d'artistas e d'artists svizzers en il focus.

Communicaziuns a las medias 27.06.2024

La fin da l'onn metta la SRG SSR ord funcziun las undas ultracurtas

Tgi che taidla oz novitads, musica, las previsiuns da l'aura u las communicaziuns da traffic al radio, fa quai per gronda part sur la tecnologia da radio digitala DAB+ u sur l'internet (IP). En Svizra vegnan duvrads adina damain apparats d'undas ultracurtas (UKW/UUC). Ils 31 da december 2024 metta la SRG SSR perquai ord funcziun las antennas antiquadas.

Communicaziuns a las medias 19.06.2024

La SRG SSR beneventa la decisiun dal Cussegl federal da refusar l'iniziativa «200 francs bastan»

Il Cussegl federal ha transmess oz al parlament la missiva davart l'iniziativa «200 francs bastan». La SRG SSR beneventa la conferma da la decisiun dal Cussegl federal, prendida il november 2023, da refusar l'iniziativa «200 francs bastan». Sche quella vegniss approvada, avess quai numnadamain consequenzas considerablas per la purschida publicistica, ils programs e l'enragischaziun regiunala da la SRG SSR. Il medem mument ha il Cussegl federal decidì sco cuntramesira da sbassar en etappas la taxa da medias per las chasadas sin 300 francs fin il 2029 e da deliberar ulteriuras interpresas da la taxa da medias.

Communicaziuns a las medias 06.06.2024

Segunda ediziun dal project da radio da la SRG SSR «Chantez-vous Suisse?» al Röstigraben a Friburg

Era quest onn hai puspè num «Chantez-vous Suisse?». La gruppa da radio naziunala da la SRG SSR «Die Anderen – Les autres – Gli altri – Ils auters» raduna cun il project da radio per la segunda giada tschintg musicist:as da la Svizra – questa giada al Röstigraben a Friburg. In'emna a la lunga interpreteschan las musicistas ed ils musicists da nov chanzuns da tut las quatter regiuns linguisticas da la Svizra e cumponan cuminaivlamain ina nova chanzun. Il punct culminant è in concert cuminaivel per la publicitad che ha lieu la fin da l'emna en la citad veglia da Friburg.

Communicaziuns a las medias 25.05.2024

Susanne Wille daventa nova directura generala da la SRG SSR

Il cussegl d'administraziun da la SRG SSR ha elegì oz Susanne Wille sco nova directura generala da la SRG SSR. La radunanza da delegadAs, sco organ suprem da la SRG SSR, ha approvà l'elecziun. Susanne Wille daventa successura da Gilles Marchand ch'ha decidì da remetter sia funcziun la fin da l'onn 2024.

Actual 25.04.2024

Co tracta la SRG SSR l'intelligenza artifiziala

Chat GPT, Whisper u Gemini: L'intelligenza artifiziala (IA) generativa è ina tecnologia ch'influenzescha adina pli fitg er il mintgadi da lavur da la SRG SSR. Las unitads d'interpresa da la SRG SSR lavuran gia dapi in temp cun utensils d'IA. Il 2023 è vegnida fundada ina taskforce d'IA che ha uss elavurà princips co tractar l'intelligenza artifiziala.