Furmaziun per tuttas e tuts
Furmaziun vul dir emprender e sa sviluppar permanentamain. La furmaziun intermediescha savida e gida a chapir il nunenconuschent. La furmaziun fa punts en la Svizra quadrilingua e multiculturala. La furmaziun gida a sa far in'opiniun libra, dat orientaziun ed è l'avegnir. La furmaziun è service public.
La furmaziun en sia varietad
Furmaziun e savida gidan ils umans ad avair success en la vita. La furmaziun è ina pitga da l'economia svizra. La vasta purschida da furmaziun da la SRG SSR procura per savida per tut ils umans en Svizra.
Nossas emissiuns preschentan in panorama da furmaziun plain fassettas da la scienza e medischina, la fauna e natira, l'economia e la protecziun dals consuments sco era da l'istorgia, l'art e las medias u viadis e la cultura. Ellas porschan savida da la perscrutaziun e da la pratica, dattan infurmaziuns supplementaras e cussegls.
En nossas purschidas da novitads e d'infurmaziuns derasain nus mintga di savida e furmaziun – en tut las quatter linguas naziunalas. Nossa vista or d'ina perspectiva svizra sin ils eveniments creescha savida e contribuescha a la furmaziun libra da l'opiniun.
L’onn 2023 han ins deditgà 4% dal temp d’emissiun da radio e 13% dal temp d’emissiun da televisiun a cuntegns da cultura e da furmaziun. La SRG SSR impunda 18% da sias expensas per cultura, societad e furmaziun.
La furmaziun è program
Da la purschida da furmaziun en la televisiun fan part emissiuns sco «Cuntrasts», «Minisguard sin visita», «DOK», «Reporter», «Einstein» e «Kulturplatz» sco era formats per la scola e l'instrucziun sco p.ex. «SRF mySchool». Ella cumprenda in mez tschientaner scola e furmaziun en la televisiun – da l'emissiun da scola frontala en alv e nair fin a la plattafurma da scolaziun multimediala. Sin ils hubs da savida da la pagina-web srf.ch/wissen e sin il hub da Youtube „SRF Wissen“ vegnan preschentads novs cuntegns e temas selecziunads da las categorias savida e scienza, sanadad, natira ed animals, persistenza, midada climatica sco era tecnica e tecnologia.
En il radio dattan en il tun emissiuns da furmaziun sco «Marella», «Kontext», «Echo der Zeit», «Espresso» e «Ratgeber».
Actualisà l'ultima giada: zercladur 2024