Public Value: sentir e rinforzar la plivalur
La SRG SSR presta di per di ina contribuziun essenziala per la societad. Il team Public Value (per rumantsch «plivalur per la societad») s'occupa da questa plivalur. En il barat cun la societad vul il team savair co che la SRG SSR po sa meglierar vinavant e communitgescha tge che la SRG SSR fa gia.
Sa barattar e sa sviluppar vinavant
Nus na vulain dentant betg mo rinforzar la conscienza, mabain era metter en dumonda ed optimar questa plivalur sociala. Ils inputs da la societad gidan perquai la SRG SSR da rinforzar sia plivalur per la societad. La SRG SSR rapporta regularmain a las collavuraturas ed als collavuraturs, a la publictad ed a las gruppas en mira davart sia contribuziun al Public Value e davart il progress da las mesiras prendidas.
Enquista 2022: «La giuventetgna e la SRG SSR»
L'onn passà han dapli che 3100 persunas participà al dialog davart il tema da focus «giuventetgna». Ina survista da las spetgas las pli impurtantas ch'èn resultadas dal dialog chattas ti qua.
Enquista 2023: «Quant impurtanta è per tai la cultura?»
Dal settember fin december 2023 ha gì lieu en collavuraziun cun las purtadras ed ils purtaders in ulteriur dialog davart il tema da focus «cultura». 3013 persunas èn sa participadas ad in'enquista online. Il medem mument han ins fatg discurs persunals cun 48 represchentant:as da las branschas da tut las quatter parts dal pajais. Las dumondas èn s'orientadas a l'incumbensa culturala da la SRG SSR
Actualisà l'ultima giada: matg 2024