Organisaziun
La SSR è in'uniun averta per in e scadin. Questa uniun gestiunescha la chasa da medias publica ed independenta SSR che producescha e derasa purschidas audiovisualas en quatter regiuns linguisticas. Per pudair far quai ha ella emploià 7200 collavuraturas e collavuraturs.
Organisaziun ed structura
La SSR vegn finanziada per 82 pertschient cun las entradas da la taxa da medias, per 13 pertschient cun entradas commerzialas e per 5 pertschient cun ulteriurs retgavs. Grazia a quest model da finanziaziun è ella independenta da gruppas d'interess politicas ed economicas. Ella po perquai era producir cuntegns che na fissan betg finanziabels via il martgà.
La sedia principala da la SSR è a Berna. Cun sia structura federalistica da tschintg unitads d'interpresa (RSI, RTR, RTS, SRF, SWI) è ella enragischada en las regiuns. Ella furma uschia in cuntrapol a las centralisaziuns en il mund medial che succedan pervia dals custs.
Unitads d'interpresa
La sedia principala da la SSR è a Berna. Cun sia structura federalistica da tschintg unitads d'interpresa (RSI, RTR, RTS, SRF, SWI) è ella enragischada en las regiuns. Ella furma uschia in cuntrapol a las centralisaziuns en il mund medial che succedan pervia dals custs.
Actualisà l'ultima giada: matg 2024