Societads affiliadas
Las societads affiliadas èn interpresas che tutgan per almain 50 pertschient a la SSR. La SSR maina questas societads via las represchentanzas en il cussegl d'administraziun respectiv.
SWISS TXT AG
La societad affiliada SWISS TXT è il center da cumpetenza multimediala da la SRG SSR. Ella sa focussescha sin servetschs en ils secturs da l'infrastructura dad ICT, da video- ed audiostreaming sco era sin accessibilitads (suttitels, audiodescripziun, translaziun en lingua da segns).
| Forma giuridica | Societad d'aczias |
| Direcziun | Martin Schneider |
| Onn da fondaziun | 1983 |
| Participaziun da la SSR | 100% |
| Cunacziunaris | Nagins |
Website SWISS TXT
Telvetia SA
La Telvetia SA è ina societad da participaziun ad interpresas che collavuran cun las unitads d'interpresa da la SSR.
Participaziuns
Institut für Rundfunktechnik GmbH (en liquidaziun)
L'Institut für Rundfunktechnik (IRT) a Minca è stà in center da perscrutaziun e da cumpetenza da tut ils instituts da radiodiffusiun da dretg public da la Germania, da l'Austria e da la Svizra. L'appartegnientscha a l'IRT ha la SRG SSR annullà per la fin dal 2020. L'IRT è en liquidaziun.
- Participaziun SSR: 5,7 %
Keystone-SDA
Las unitads d'interpresa da la SSR SRF e RTS mettan a disposiziun a la Keystone-SDA cuntegns da video actuals. I sa tracta da videos cun impurtantas novitads naziunalas ed internaziunalas dals differents ressorts. Keystone-SDA è autorisada da render accessibels ils cuntegns da video furnids da la SSR a sia clientella.
- Participaziun SSR: 7 %
Radio Events GmbH
La finamira principala da la societad è d'organisar il Swiss Radio Day.
- Participaziun SSR: 50 %
Schweizerische Mediendatenbank AG
La Schweizer Mediendatenbank AG (SMD) è ina banca da datas cun artitgels da las medias stampadas e da las medias online, cun annunzias d'agenturas da novitads, contribuziuns auditivas e producziuns da televisiun. Ella cumpiglia var 880 funtaunas naziunalas ed internaziunalas en tschintg linguas. Ils inventaris da la SMD vegnan actualisads mintga di ed èn avant maun a moda selectiva gia dapi il 1980.
La SMD tutga mintgamai per in terz a las interpresas da medias Ringier, TX Group AG e SSR.
- Participaziun SSR: 33,3 %
- Onn da fundaziun: 1996
Swiss Media Cast AG
La Swiss Media Cast AG proveda la Svizra tudestga ed il Tessin cun DAB+, il nov standard per il radio digital.
- Participaziun SSR: 7,7 %
Swiss Media Forum AG
La Swiss Media Forum AG organisescha occurrenzas en il sectur da medias, politica ed economia che promovan il dialog tranter las responsablas ed ils responsabels da quels secturs.
- Participaziun SSR: 10 %
Swiss Radioplayer GmbH
Il Swiss Radioplayer è in'applicaziun, nua ch'ins chatta tut ils emetturs da radio svizzers. La SSR e las trais associaziuns svizras da radio Associaziun svizra dals radios privats (ASRP), Uniun dals radios locals nuncommerzials (UNIKOM) e Radio Régionales Romandes (RRR) han lantschà cuminaivlamain il Swiss Radioplayer.
- Participaziun SSR: 25 %
- Onn da fundaziun: 2019
TV5 Monde
TV5 Monde distribuescha novitads ed emissiuns d'infurmaziun franzosas en tut il mund e quai en nov versiuns adattadas a la zona d'urari respectiva. TV5 Monde vegn purtà da las instituziuns da radiodiffiusiun da dretg public dals quatter pajais francofons Frantscha, Belgia, Canada e Svizra.
- Participaziun SSR: 8,8 %
- Onn da fundaziun: 1984
Viasuisse AG
La Viasuisse AG registrescha, verifitgescha ed elavura da di e da notg infurmaziuns da traffic stradal e viafieril da tut la Svizra e las surdat en trais linguas a las medias da la SSR ed ad autras clientas e clients.
Sias infurmaziuns retira la Viasuisse AG tranter auter da la polizia e da las VFF. Ultra da quai elavura la Viasuisse AG avis da participantas e da participants al traffic che telefonan via il numer gratuit 0800 888 123.
- Participaziun SSR: 36,1 %
- Onn da fundaziun: 2001
Actualisà l'ultima giada: matg 2024
