Noss munds da professiun: nus tschertgain

Noss mund è probablamain in dals pli multifars insumma. Perquai tschertgain nus talents e profis da praticamain tut las gruppas professiunalas. Plinavant scolain nus sezs talents e purschain plazzas d'emprendissadi per l'entrada en la professiun. 

  • publicistica 
  • redacziun
  • moderaziun (TV, radio, multimedia)
  • producziun da broadcast 
  • mastergns artisanals 
  • producziun da maletgs 
  • tecnica
  • inschigneria 
  • broadcast
  • informatica
  • immobiglias
  • management da l'implant 
  • logistica 
  • resursas umanas, scolaziuns, svilup 
  • marketing, communicaziun, relaziuns publicas 
  • finanzas, controlling, acquisiziun 
  • dretg, compliance, revisiun interna 
  • support ed assistenza da program e da producziun 
  • documentaziun, archiv 
  • design, grafica, fotografia 

Emprendissadi

Durant ils trais onns d'emprendissadi survegnan las emprendistas ed ils emprendists invista en sis partiziuns da la direcziun generala. En pli èn planisads plirs stages en la producziun, tranter auter en il studio da la Chasa federala ed en il studio da radio da Berna. Las emprendistas ed ils emprendists da l'emprim e segund onn van duas giadas l'emna e quellas e quels dal terz onn van ina giada l'emna en la Scola d'economia e da cader a Berna. 

Diplom: attestat federal da qualificaziun sco «commerzianta/commerziant AFQ» 

Ils emprendissadis che cumenzan l'avust 2025 vegnan publitgads la stad 2024. 

Pretensiuns:

  • bunas absolventas e buns absolvents da la scola secundara 
  • capacitad da pensar a moda logica ed analitica 
  • interess per relaziuns economicas 
  • bunas enconuschientschas dal tudestg e da linguas estras 
  • diligenza e prontezza da s'engaschar 
  • abilitad da communitgar 
  • plaschair dal contact cun umans
  • abilitad da lavurar en ina squadra

La direcziun generala porscha fufragnadis d'in di per scolaras interessadas e scolars interessads. Il dumber da fufragnadis è limità.

Commerzianta/commerziant AFQ:  

P.pl. trametter dumondas per far in fufragnadi cun in curs da la vita ed indicaziuns da las datas giavischadas a HR Services.

Ulteriurs emprendissadis interessants chattas ti sin SRF e SWISS TXT.

  • invista en la producziun da radio e televisiun 
  • emna da 40 uras, quai munta 8 uras da lavur a di
  • 13avla paja 
  • 6 emnas vacanzas 
  • reducziun dal pretsch per mangiar en il restaurant da persunal 
  • premia per bunas prestaziuns 
  • excursiun d'emprendistas e d'emprendists: ina giada l'onn per promover il barat tranter las emprendistas ed ils emprendists 

Emprendissadis averts

Jobs finden