Susanne Wille

Carriera professiunala

Susanne Wille ha studegià istorgia, anglistica e schurnalistica a las Universitads da Friburg, Turitg ed Edinburgh. Suenter ses engaschament sco videoschurnalista per l'emettur regiunal argovian TeleM1 ha ella lavurà davent dal 2001 sco reportra e moderatura dal magazin da novitads «10 vor 10» da Schweizer Radio und Fernsehen (SRF).Tranter il 2011 ed il 2016 ha ella rapportà sco correspundenta a Berna per l'emissiun politica «Rundschau». Susanne Wille ha survegnì pliras undraziuns per sia lavur sco schurnalista politica. A partir dal 2016 ha ella surpiglià la responsabladad directiva per la transfurmaziun digitala dal newsroom da SRF, ha manà il board da qualitad e da direcziun da quel ed ha silsuenter dà furma al process da strategia e da svilup da l'organisaziun «SRF2024» sco commembra dal team central. Il zercladur 2020 è ella daventada commembra da direcziun da SRF e manadra da la partiziun Cultura da SRF. Il medem onn è Susanne Wille daventada vicedirectura da SRF e commembra da direcziun da 3sat, l'emettur cuminaivel da SRG SSR, ARD, ZDF ed ORF. Susanne Wille ha frequentà ina scolaziun da strategia digitala e da process da transfurmaziun ed ha absolvì in curs da master en economia da manaschi a l'IMD a Losanna. Dapi il november 2024 è Susanne Wille directura generala da la SRG SSR.