La cronica da la SSR dapli il 1931
Rapport da gestiun 2009
Zurich Film Festival (ZFF)
Maletg: ZFF / Getty Images
Il Zurich Film Festival porscha ina plattafurma a cineastas e cineasts empermettents da l'entir mund. Ensemen cun SRF è la SSR dapi il 2009 partenaria da medias.
En Svizra romanda fusiuneschan il radio e la televisiun
Da la fusiun da Radio Suisse Romande (RSR) e Télévision Suisse Romande (TSR) resorta la nova unitad d'interpresa Radio Télévision Suisse (RTS).
La fin da l'emettur da Sottens
Suenter 79 onns vegn l'emettur naziunal da Sottens mess ord funcziun. Plirs millis visitaders undreschan quest eveniment a chaschun dal di da las portas avertas.
Las marcas vegnan unifitgadas
En il rom da la convergenza da las medias adattescha la SSR las marcas da las novas unitads d'interpresa regiunalas. A medem temp vegn era reconcepida la marca sin plaun naziunal per unifitgar las marcas da l'entira SSR. Il supplement «idée suisse» vegn stritgà or dal num e dal logo da la SSR.
Rapport da gestiun 2010
Festival internaziunal dals films curts Winterthur
Maletg: Andrin Fretz
Il festival da films curts popular ha lieu mintg'onn il november. Sco partenaria da medias è la SSR involvida activamain durant il di da las scolas da film al Festival internaziunal dals films curts Winterthur e sponsurescha tranter auter il premi per il meglier film da scola svizzer sco er il premi principal da la concurrenza internaziunala.
Roger de Weck
Roger de Weck daventa l'otgavel directur general da la SSR. El è stà avant schefredactur da las gasettas Tages-Anzeiger e Die Zeit. Ses temp d'uffizi dura dal 2011 fin il 2017.
Il radio e la televisiun en Svizra tudestga fusiuneschan
En Svizra tudestga cumenza la nova unitad d'interpresa Schweizer Radio und Fernsehen (SRF) che resultescha da la fusiun da Schweizer Radio DRS (SR DRS) e Schweizer Fernsehen (SF).
Rapport da gestiun 2011
