La cronica da la SSR dapli il 1931
Mesiras da spargn
Keystone-SDA / Christian Beutler
La SSR vesa pervia da la pandemia da corona e las entradas commerzialas regressivas sfurzadamain la necessitad da realisar tranter il 2021 ed il 2024 in nov plan per spargnar 50 milliuns francs. Ella quinta cun ina reducziun da var 250 plazzas en quest interval.
Reproschas da mulesta tar RTS e RSI
La fin d'october vegnan publicas en differentas medias svizras reproschas da mulestas e cumportament inacceptabel – l'emprim tar RTS e pli tard era tar RSI. L'entschatta da november instradescha il cussegl administrativ da la SSR examinaziuns independentas per analisar ils cas e verifitgar ils instruments existents e process interns. Sin basa dals resultats decida el l'avrigl 2021 in vast catalog da mesiras per proteger l'integritad persunala da las collavuraturas e dals collavuraturs.
Play Suisse – la nova plattafurma da streaming da la SSR
Ils 7 da november va la nova plattafurma da streaming Play Suisse online. Play Suisse porscha documentaziuns, serias e films svizzers da tut las quatter regiuns linguisticas – en lingua originala e cun suttitels tudestgs, franzos, talians e per part era rumantschs. Play Suisse è disponibel sco applicaziun web ubain sco app per smartphone, tablet, desktop (playsuisse.ch) e Smart-TV.
La SSR ha 90 onns
Ils 24 da favrer festivescha la SSR ses 90avel anniversari. Pervia da la pandemia na fa ella quai betg cun ina festa, mabain cun ina collecziun da giubileum sin sia plattafurma da streaming Play Suisse. La collecziun dat invista en l'istorgia multifara da l'interpresa da medias ed en il passà da la Svizra dapi il 1931, l'onn da fundaziun da la SSR.
Rapport da gestiun 2021
Charta da la collavuraziun
La SSR vul proteger meglier l'integritad persunala da sias collavuraturas e da ses collavuraturs. Per quest intent elavura ella ina charta cun nov princips da cumportament per ina collavuraziun reussida. Collavuraturas e collavuraturs da tut las interpresas d'unitad han contribuì a la concepziun da la charta.
Conclusiun da las tractativas per in CCL
La SSR e ses partenari social, il Sindicat svizzer dals meds da massa (SSM), sa cunvegnan cun success il december davart in nov contract collectiv da lavur (CCL) che entra en vigur il schaner 2022. Ultra d'in congedi da geniturs pli lung reglescha il nov CCL tranter auter era la telelavur. A partir dad ussa ha l'entir persunal da la SSR la pussaivladad da lavurar independentamain dal lieu.
75 onns Chadaina da fortuna
La Chadaina da fortuna festivescha dals 12 fin ils 17 da december cun il sustegn da la SSR ses 75avel annuversari ed organisescha in'emna da solidaritad. Dapi sia fundaziun l'onn 1946 ha la Chadaina da fortuna rimnà bunamain 2 milliardas francs donaziuns.
100 onns radio e la nova Radio Hall
Quest onn festivescha il radio ses 100avel anniversari. Per engraziar a las audituras ed als auditurs per lur fidaivladad organisescha RTS durant l'entir onn differentas occurrenzas ed emissiuns spezialas. Il medem onn daventa il studio da radio Brunnenhof da SRF a Turitg in toc istorgia – ils radios SRF 1, SRF 3, SRF Virus, SRF Musikwelle ed il «Regionaljournal ZH SH» midan l'avust 2022 en la nova Radio Hall a Turitg Leutschenbach.
Rapport da gestion 2022
