La cronica da la SSR dapli il 1931
Rapport da gestiun 2013
LernFilm Festival
Maletg: LernFilm Festival / Silvan Mahler
La SSR daventa il 2013 partenaria da medias dal «LernFilm Festival» e sustegna uschia las giuvnas cineastas ed ils giuvens cineasts en lur activitad creativa. Il «LernFilm Festival» premiescha films didactics creativs ed inspirants che vegnan realisads da scolaras e scolars.
Festival International de Films de Fribourg (FIFF)
Maletg: FIFF
La SSR daventa partenaria da medias dal FIFF. Il FIFF ha lieu mintgamai il mars e promova cun agid dal film il barat tranter differentas culturas.
Ina distincziun per la meglra producziun da sport
La SSR survegn a Monaco a chaschun dals IOC Olympic Golden Rings Awards ils rintgs dad aur per la meglra producziun da sport dals gieus d'enviern a Sotschi 2014.
Dapli prestaziuns per persunas cun senns impedids
La SSR ha augmentà vinavant las prestaziuns per umans cun in'udida e vesida restrenschida. Sin ils chanals da televisiun da la SSR vegnan var 49,1 pertschient dal temp d'emissiun suttitulads, quai correspunda ad in augment da 5,8 pertschient visavi l'onn precedent. Da nov n'èn ils suttitels betg mo disponibels per emissiuns a la televisiun, mabain pon vegnir activads er en l'internet sin Play SRF, Play RTS e Play RSI.
Neuchâtel International Fantastic Film Festival (NIFFF)
Maletg: NIFFF
Il NIFFF sa deditgescha sco sulet festival da la Svizra al gener da fantasy ed a geners parentads. La SSR daventa partenaria da medias dal festival e sustegna tranter auter la retscha «NIFFF extended».
Rapport da gestiun 2014
In nov studio da televisiun per RTR
Cler, avert e modern: uschia sa preschenta il nov studio da televisiun da RTR. El ademplescha tecnicamain e graficamain autas pretensiuns. La pagina-web rtr.ch da Radio Televisiun Rumantscha survegn ina nova cumparsa.
HbbTV daventa il successur dal teletext
La Swisscom lantscha HbbTV, il successur multimedial dal teletext cun bleras funcziuns interessantas. HbbTV è disponibel tranter auter sin ils programs da HD da la SSR.
Gea a la nova LRTV
Ina pitschna maioritad da las votantas e dals votants svizzers approvescha la nova Lescha federala davart radio e televisiun (LRTV). En il futur duain il radio e la televisiun vegnir finanziads cun ina taxa independenta dals apparats
