La cronica da la SSR dapli il 1931
Rapport da gestiun 1989
In'uniun privata cun structura da holding
La SSR refurmescha sias structuras a moda cumplessiva. L'interpresa s'organisescha sco uniun privata e sa structurescha sco holding basada sin il dretg d'aczias.
Rapport da gestiun 1990
La Lescha federala davart radio e televisiun
La nova Lescha federala davart radio e televisiun entra en vigur. L'incumbensa culturala da la SSR vegn determinada en la lescha ed en la concessiun da la SSR.
Ina nova unitad d'interpresa
En connex cun la reorganisaziun da la SSR daventa il Radio Rumantsch in'unitad d'interpresa autonoma.
Rapport da gestiun 1991
La SSR daventa partenaria dad Arte
L'emettur europeic Arte lantscha ses program. Arte vegn emess en duas linguas en trais quarts da las chasadas da lingua tudestga e franzosa. La SSR daventa partenaria dad Arte.
Rapport da gestiun 1992
Eric Lehmann
Eric Lehmann è il 12avel president da la SSR. Ses temp d'uffizi dura dal 1992 fin il 2002.
L'emettur S Plus vegn lantschà
Il 1993 vegn introducida la quarta chadaina da televisiun da la SSR cun il num S Plus. A partir dal 1995 daventa quella in emettur naziunal che vegn renumnà en Schweiz 4 – Suisse 4 – Svizzera 4 – Svizra 4. L'emettur dueva cumplettar ils programs linguistic-regiunals e surtut distgargiar quels da las transmissiuns da sport.
