La cronica da la SSR dapli il 1931
Rapport da gestiun 1979
Emprima revista da l'emna en lingua rumantscha
La televisiun DRS augmenta pass per pass las emissiuns rumantschas. Il Telesguard, ina revista da l'emna moderada da Chasper Stupan, è a partir dal 1980 l'emprima emissiun d'actualitads en lingua rumantscha.
Rapport da gestiun 1980
Leo Schürmann
Leo Schürmann daventa il tschintgavel directur general da la SSR. Schürmann è stà cusseglier naziunal da la PCD, l'emprim survegliader dals pretschs e commember dal directori da la Banca naziunala svizra. Ses temp d'uffizi dura dal 1981 fin il 1987.
Rapport da gestiun 1981
Jean Brolliet
Jean Brolliet è il 10avel president da la SSR. Ses temp d'uffizi dura dal 1981 fin il 1982.
Il «Telejournal» vegn producì a Genevra
A partir dal 1982 vegn il «Telejournal» producì en il studio da Genevra. Fin lura produciva ina redacziun centrala a Turitg las emissiuns da novitads per tut las regiuns linguisticas.
Rapport da gestiun 1982
La lescha da medias vegn liberalisada
Il Cussegl federal liberalisescha la lescha da medias: lubids èn da nov radios locals privats e commerzials.
In radio per giuvenils sco resposta als radios privats
La SSR introducescha la terza chadaina da programs per in public giuvenil: DRS 3 en Svizra tudestga, Couleur 3 en Suisse romanda (emetta gia dapi il 1982) e Rete 3 en Svizra taliana.
