La cronica da la SSR dapli il 1931
La televisiun en HD
La SSR emetta a partir dals 29 da favrer sis da ses programs da televisiun regulars er en qualitad HD.
RTS lantscha sia preschientscha online
RTS lantscha la plattafurma d'internet rts.ch e preschenta sia nova cumparsa online dals chanals da radio e televisiun. SRF renovescha la preschientscha d'internet da srf.ch.
Il scumond da far reclama en l'internet resta
Il Cussegl federal na lubescha betg a la SSR da far reclama en l'internet. Persuenter duai la SSR survegnir dapli spazi d'agir en connex cun ils cuntegns da sia purschida online.
Rapport da gestiun 2012
Raymond Loretan
Raymond Loretan è il 14avel president da la SSR. Ses temp d'uffizi dura dal 2012 fin il 2015.
Fantoche
Maletg: Fantoche
En il center dal Fantoche stat durant sis dis il settember il film d'animaziun. La SSR daventa partenaria da medias da Fantoche e sustegna tranter auter la concurrenza svizra cun il premi dal public.
Geneva International Film Festival (GIFF)
Maletg: Gabriel Balague
Il GIFF ha lieu l'atun e porscha ina plattafurma ad auturas ed auturs independents da divers geners e differentas disciplinas. La SSR è dapi il 2012 partenaria da medias dal festival che perscrutescha dapi sia fundaziun la colliaziun tranter il kino, la televisiun e l'art digital.
Purschidas da televisiun interactivas
SRF e RTS lantschan la nova purschida da televisiun interactiva SRF+ e RTS+.
WRS vegn privatisà
Il World Radio Switzerland (WRS) en lingua englaisa va en possess privat. El vegn surpiglià da l'Anglo Media SA.
La SSR sustegna Shnit
Maletg: Shnit
La SSR sustegna da nov il Festival internaziunal dal film curt Shnit. Shnit sa chapescha sco plattafurma internaziunala per realisaturs da films, scenarists, producents ed amaturs dal film ed ha lieu mintg'onn a medem temp sin tschintg continents.
