La cronica da la SSR dapli il 1931
La fin da l'emettur S Plus
La quarta chadaina d'emissiun vegn abolida. Empè da quella datti per mintga emettur in segund program da televisiun: SRF 2, TSR 2 e TSI 2.
Rapport da gestiun 1997
Festival del Film Locarno
Locarno daventa l'avust durant indesch dis la chapitala mundiala dal kino d'auturs. Il Locarno Film Festival è in dals pli impurtants festivals da film da la Svizra ed è er en l'Europa in dals pli renumads. La SSR sustegna sco partenaria da medias tranter auter la concurrenza «Ils leopards da damaun» (Pardi di domani). Ultra da quai surdat ella a chaschun da la «Semaine de la critique» il «Grond premi da l'emna da la critica / Premi SRG SSR»
Dis da film da Soloturn
Maletg: Dis da film da Soloturn
Dapi ch'i dat ils Dis da film da Soloturn preschentan els il schaner ina selecziun da films svizzers. L'element central è il «Panorama Suisse», ina tscherna da las producziuns svizras actualas. La SSR è dapi il 1998 partenaria da medias dals Dis da film da Soloturn.
Rapport da gestiun 1998
La SRG SSR idée suisse nascha
La SSR dat a sasezza il nov num SRG SSR idée suisse. «Idée suisse» daventa ina marca da qualitad per il service public da la SRG SSR.
Il radio vegn digitalisà
La SRG SSR idée suisse cumenza a digitalisar il radio (Digital Audio Broadcasting, DAB). La fasa da digitalisaziun vegn lantschada en Svizra tudestga ed en Svizra romanda. Virus, il radio per giuvenils da Schweizer Radio DRS, emetta ses emprims tuns. Igl è l'emprim radio cumplettamain digital da la Svizra.
Presse TV
SF DRS introducescha en collavuraziun cun Presse TV en la regiun da Turitg per emprova SF info, il chanal che repeta emissiuns d'infurmaziun.
Ina cumparsa d'internet per Schweizer Radio International
Schweizer Radio International endrizza cun www.swissinfo.org ina plattafurma online che pussibilitescha d'avair access en l'entir mund als programs da la SSR ed a las infurmaziuns davart la Svizra.
Rapport da gestiun 1999
