La cronica da la SSR dapli il 1931

Il program da musica da DRS Musigwälle 531 che emetta musica tradiziunala da tut las spartas, vegn renumnà e cumplettà cun las pli impurtantas rubricas d'infurmaziun da DRS 1.

Schweizer Fernsehen DRS vegn renumnà en Schweizer Fernsehen (SF).

DRS 1, La Première, Rete Uno e Radio Rumantsch emettan en directa dal Jungfraujoch, il pli aut studio da radio da l'Europa. Las emissiuns fan part dal project da stad interregiunal «Gletscherblick – Sur nos monts quand les glaciers – Rompiamo il ghiaccio».

La SRG SSR idée suisse festivescha ses giubileum da 75 onns (24 da favrer).

Il president da la Confederaziun Moritz Leuenberger inaugurescha uffizialmain il nov center da medias en la Chasa federala.

Ils programs DRS 3, Couleur 3, Rete Tre, Virus e Radio Rumantsch fundeschan la plattafurma da musica Mx3. Ella porscha ad artistas ed artists la pussaivladad da preschentar lur musica gratuitamain sur l'internet ad in vast public.

La nova Lescha federala davart radio e televisiun (LGTV) e l'ordinaziun respectiva (ORTV) entran en vigur il 1. d'avrigl. Las pli grondas midadas: il splitting da taxas (in pertschient da las taxas da recepziun va a favur da las staziuns da radio e televisiun privatas), l'obligaziun da transmetter las emissiuns tenor ils basegns da persunas cun impediments (suttitels, lingua da segns ed audiodescripziun), ed il scumond da reclama e da sponsoring per la purschida online.