Communicaziuns a las medias & Actualitads

Communicaziuns a las medias 13.06.2019

La SSR avra ses archivs per las chasas da medias svizras via la plattafurma da Shared Content

La SSR augmenta sia purschida d'archiv per il public svizzer. Ultra dals cuntegns d'archiv offerts fin uss en l'internet ed a las staziuns da consultaziun specificas en bibliotecas ed universitads, pon las schurnalistas ed ils schurnalists da las chasas da medias svizras uss era retschertgar en ils archivs da la SSR e telechargiar videos via la plattafurma da Shared Content per als duvrar sin lur paginas-web.

Communicaziuns a las medias 10.05.2019

«Countdown»: L'emprim format d'Instagram naziunal per las purschidas giuvnas da la SRG SSR

Las purschidas giuvnas da la SSR realiseschan per l'emprima giada in project cuminaivel: a partir dals 13 da matg lantschan ellas «Countdown» sin ils chanals d'Instagram da RTS Tataki, SRF Virus, RSI Spam e RTR Battaporta. Quatter regiuns linguisticas, quatter emnas e quatter umans cun istorgias dals pli interessants dis da lur vita.
[Translate to Rätoromanisch:] Bild SRF-Gebäude

Communicaziuns a las medias 11.04.2019

La SRG SSR reorganisescha sia producziun e creescha in center da cumpetenza digital

Il cussegl d’administraziun da la SRG SSR ha l'intenziun da transferir il persunal ed ils meds da producziun da la tpc AG sin il 1. da schaner 2020 en l’unitad d’interpresa SRF. Ultra da quai vul el crear in center da cumpetenza per l’infrastructura ed ils servetschs dad IT, la producziun digitala e la distribuziun che vegn manà da la societad affiliada Swiss TXT AG. La reorganisaziun da quests servetschs centrals fa part dal program da refurma e da respargn current e pussibilitescha ensemen cun autras mesiras da spargnar diesch milliuns francs ad onn. La realisaziun succeda cun resalva d’ina procedura da consultaziun.

Communicaziuns a las medias 11.04.2019

Resultat annual equilibrà 2018 da la SRG SSR

La SSR concluda l’onn 2018 cun in resultat annual stabil da 6,8 milliuns francs. Quai malgrà las entradas reducidas da las taxas da recepziun e las entradas commerzialas vinavant regressivas. A medem temp èn creschidas las expensas per il program e la producziun – quai surtut pervi d’occurrenzas grondas da sport. Il 2018 è la SSR stada occupada cumplainamain cun la votaziun «No Billag» e la lantschada d’in program da respargn e da reinvestiziun.

Communicaziuns a las medias 20.03.2019

«Die Anderen – Les autres – Gli altri – Ils auters» – ina contribuziun da las unitads d'interpresa da la SSR contribuescha a la coesiun

Ils quatter cussegls dal public da la SSR (SRG.D, RTSR, CORSI, SRG.R) han examinà cuminaivlamain l'emissiun «Die Anderen – Les autres – Gli altri – Ils auters» da SRF, RTS, RSI, RTR. La rubrica possia promover la chapientscha tranter las regiuns linguisticas – quai è il facit dals cussegls dal public.
[Translate to Rätoromanisch:] International Public Media Conference (IPMC)

Communicaziuns a las medias 21.02.2019

International Public Media Conference (IPMC) – co vesa ora l'avegnir da las medias publicas?

Ils 4 da mars 2019, in onn suenter che l'iniziativa No Billag è vegnida refusada, ha lieu a Berna l'emprima International Public Media Conference (IPMC). Averta vegn ella da la nova ministra da medias cussegliera federala Simonetta Sommaruga. La conferenza vegn organisada communablamain da la Societad svizra da radio e televisiun (SRG SSR), da l'Uffizi federal da communicaziun (UFCOM), da la Cumissiun federala da las medias (CUFEM) e da la Societad svizra per las scienzas da la communicaziun e dals meds da massa (SSCM). Durant in di sa barattan referentas e referents renumads e persunas interessadas da la Svizra e da l'exteriur davart l'avegnir da las medias publicas audiovisualas e lur rolla en la societad.

Communicaziuns a las medias 07.11.2018

«Dataland»: ina saira tematica naziunala davart l'intelligenza artifiziala e big data

Mesemna, ils 21 da november deditgeschan ils programs da televisiun naziunals da la SSR in'emissiun speziala als temas intelligenza artifiziala e big data. Las quatter staziuns da televisiun RTS, SRF, RSI e RTR emettan in film documentar, intervistas cun expertas ed experts, reportaschas ed ina retschertga d'opiniun davart ina problematica che pertutga tut las Svizras e tut ils Svizzers: en in'emissiun en directa da passa trais uras a partir da las 20.10.

Communicaziuns a las medias 05.11.2018

Nathalie Wappler daventa directura da SRF

Il cussegl d'administraziun da la SRG SSR è suandà unanimamain la proposta da la suprastanza regiunala da la SRG Deutschschweiz ed ha elegì Nathalie Wappler sco nova directura da SRF a chaschun da sia sesida dals 5 da november. La directura da program dal Mitteldeutscher Rundfunk MDR surpiglia sia nova funcziun la primavaira 2019.

Communicaziuns a las medias 24.10.2018

La SSR avra ses archivs en instituziuns culturalas

La SSR dat ils 27 d'october, il Di mundial dal patrimoni audiovisual da l'Unesco, il culp da partenza per avrir ses archivs – quai fa ella ensemen cun la Fonoteca naziunala svizra (Uffizi federal da cultura) e Memoriav, l'Associaziun per il mantegniment da la memoria audiovisuala da la Svizra. Duas milliuns uras Svizra per guardar e tadlar.

Communicaziuns a las medias 20.09.2018

Larissa M. Bieler daventa directura da SWI swissinfo.ch

La Grischuna Larissa M. Bieler surpiglia per il 1. d'october 2018 sper sia incumbensa actuala da schefredactura da SWI swissinfo.ch er la direcziun da SWI a Berna.