Communicaziuns a las medias & Actualitads

Communicaziuns a las medias 19.09.2018

Il cussegl d'administraziun da la SSR beneventa il transferiment d'ina part da las redacziuns da radio SRF da Berna a Turitg

Il cussegl d'administraziun da la SSR ha approvà en sia seduta dad oz in transferiment parzial da las redacziuns da radio SRF da Berna a Turitg. Las totalmain 170 plazzas da lavur duain – cun resalva da la procedura da consultaziun – vegnir transferidas a partir da la fin dal 2020. La SSR vegn a rinforzar sia preschientscha a Berna cun novs projects ed ad accelerar vinavant la digitalisaziun. A medem temp reducescha ella las surfatschas d'immobiglias.

Communicaziuns a las medias 31.08.2018

Distributur global american per «Amur senza fin»

Il distributur global american Cinema Management Group (CMG) da Los Angeles ha acquistà ils dretgs per la commerzialisaziun mundiala dal film «Amur senza fin» che la SSR ha coproducì.
Respargns, partenadis e novas prioritads tar la SSR

Communicaziuns a las medias 28.06.2018

Respargns, partenadis e novas prioritads tar la SSR

Damain che quatter mais suenter che la populaziun svizra ha refusà cun 71,6 pertschient cleramain l'iniziativa No Billag lantscha la SSR in program da refurma duraivel. Il cussegl d'administraziun da la SSR ha approvà ier il rom dal plan da spargn e d'augment d'effizienza proponì dal Comité directiv.

Actual 12.03.2018

La concurrenza da Mobile Stories 2018 è lantschada

La SSR appellescha a cineastas creativas e cineasts creativs d'inoltrar ideas per curtas producziuns da low-cost. Ins po inoltrar ils projects fin ils 20 d'avrigl 2018.

12.03.2018

Tge presta la SSR per il maletg da la Svizra a l'exteriur?

Bleras estras e blers esters s'interessan per quai che muventa la Svizra. En pli èn var 775?000 persunas registradas tar represchentanzas svizras a l'exteriur. Cun la plattafurma da SWI swissinfo.ch porscha la SSR a questa communitad multifara ina plattafurma online cun infurmaziuns da la Svizra en diesch linguas.

Communicaziuns a las medias 04.03.2018

Il na a No Billag: ina conferma che oblighescha

Las votantas ed ils votants han refusà cleramain oz l'iniziativa No Billag. Per la SSR è il resultat legraivel cunzunt perquai ch'el è vegnì confermà en tut las regiuns linguisticas. En vista a la debatta cuntraversa munta il di dad oz per la SSR ina nov'entschatta ch'è era colliada cun cleras spetgas: la chasa da medias publica da la Svizra vegn a s'adattar a novas cundiziuns da basa finanzialas ed a novs basegns da la societad.

02.02.2018

Tge presta la SSR per persunas cun impediments dals senns?

En Svizra vivan bunamain in milliun persunas cun impediments dals senns. Cun agid da suttitels, audiodescripziuns e lingua da segns porscha la SSR a questas persunas l'access ad infurmaziuns, divertiment, cultura e sport.

Communicaziuns a las medias 08.11.2017

Infurmaziuns en furma da videos curts «Nouvo»: ina purschida da la SSR cun potenzial

Quest onn han ils tschintg cussegls dal public da la SSR (SRG.D, RTSR, Corsi, SRG.R e swissinfo.ch) prendì communablamain sut la marella la purschida «Nouvo» da la SSR ch'i dat dapi il mars 2017 en tut las regiuns linguisticas. Il facit: ils videos per in public en mira giuven concepids spezialmain per social media porschan infurmaziuns cumpactas en ina furma attractiva, las qualas èn adattads perfetgamain per il diever sin apparats mobils grazia a lur lunghezza ed ils suttitels. La pli gronda sfida è da chattar il dretg equiliber tranter concisadad e profundaziun. Il format ha però grond potenzial.

Communicaziuns a las medias 17.11.2015

La SRG SSR realisescha mesiras da spargn

Berna, ils 17 da november 2015. La direcziun SSR ha discutà intensivamain las propostas dal persunal e dal sindicat svizzer dals meds da massa (SSM) davart il program da spargn planisà. Pliras propostas duain vegnir tematisadas u sviluppadas vinavant. Lur dimensiun na permetta dentant nagina reducziun essenziala da la reducziun prevesida da var 250 plazzas. Collavuraturas e collavuraturs ch’èn pertutgads da la reducziun da plazzas pon quintar cun in plan social fair.

Communicaziuns a las medias 06.10.2015

SRG SSR stritga probablamain var 250 plazzas

Causa la sentenzia dal Tribunal federal davart la taglia sin la plivalur e pervi da la part augmentada da las taxas per emetturs regiunals sto la SSR spargnar davent dal 2016 40 milliuns francs l’onn. Quai cunzunt tar l’administraziun, l’informatica e la producziun. Er reducziuns dal program èn inevitablas. Ins sto far quint cun ina reducziun da var 250 plazzas. La SSR vegn a consultar collavuraturas e collavuraturs, il cader ed il sindicat SSM. Ella vegn a tractar davart in plan social fair. Reservas per la reducziun da plazzas e custs supplementars causa la taglia sin la plivalur pudessan chaschunar il 2015 in deficit considerabel. 2016 vul la SSR puspè scriver cifras nairas.