Strategia da sport
La SRG SSR s'engascha per ina cuntrada da sport viva e diversa. Nus rapportain sin tut ils emetturs, tut las plattafurmas ed en tut las regiuns linguisticas davart il sport. Cun quai essan nus l'emprima adressa per cuntegns da sport d'auta qualitad e relevants en l'entira Svizra. Nossa purschida sviluppain e derasain nus tenor criteris schurnalistics, sportivs e finanzials. Cun nossa purschida da sport offrin nus ina tribuna a l'entira diversitad dal sport svizzer.
La strategia da sport da la SRG SSR sa basa sin ils suandants princips:
- Dasper il sport da premium stattan atletas ed atlets svizzers sco er occurrenzas da sport svizras en il focus.
- La purschida da sport da la SRG SSR cuvra l'entira multifaradad dal sport – dal sport da premium enfin a disciplinas da sport che n'èn uschiglio betg en il focus medial.
- La SRG SSR stat per ina rapportaziun da sport diversa che resguarda il gender.
- La purschida da sport da la SRG SSR è drizzada ad in public vast che cumpiglia tut las vegliadetgnas e regiuns linguisticas – e contribuescha cun quai a la promoziun da l'identitad svizra.
- La purschida da sport da la SRG SSR stat a disposiziun sin tut ils chanals – en la televisiun, al radio e sin tut las plattafurmas online.
- La SRG SSR vul esser vinavant la partenaria da dretgs e da producziun fidabla d'occurrenzas da sport naziunalas e tschenta cun quai la basa per che las occurrenzas possian vegnir emessas sin l'entir mund.
Actualisà l'ultima giada: dezember 2023
