Diversitad
Cuntanscher tut ils umans en Svizra – quai tutga tar l'incumbensa sco era tar l'autodefiniziun da la SSR. Nus dain ina fatscha a la Svizra multifara. Diversitad è service public.
Diversitad linguistica
La plurilinguitad da la Svizra vegn stimada en Svizra ed a l'exteriur. 62 pertschient da la populaziun discurra tudestg, 23 pertschient franzos, 8 pertschient talian, 0,5 pertschient rumantsch e 23 pertschient in'autra lingua, il pli savens englais. Questa diversitad linguistica sa manifestescha en nossa offerta cun ina purschida equivalenta en tudestg, franzos e talian ed ina purschida commensurada en rumantsch. Swissinfo è il servetsch online da la SRG SSR che vegn realisà en diesch linguas e sa drizza ad estras ed esters en Svizra sco er a persunas che s'interessan per noss pajais ed a Svizras e Svizzers en tut il mund.
Diversitad tematica
Politica, economia, cultura, sport u religiun: ils temas en il program da la SRG SSR èn multifars. Ina gronda rait da correspundent:as en Svizra ed a l'exteriur garantescha infurmaziuns solidas davart temas actuals da l'entir mund.
Diversitad culturala
La SRG SSR preschenta la cultura svizra sin ils champs film e serias, societad e religiun, litteratura, musica, art e tribuna. La cultura avra las portas ad auters munds. Cun sias purschidas dat la SRG SSR a ses public in access a la cultura che promova la chapientscha per differentas disciplinas culturalas.
Diversitad sociala
En Svizra viva ina societad fitg multifara. In punct central en quel reguard è l'avertadad per auters e la perdita da pregiudizis. Perquai guardain nus da pledentar e d'unir tut ils umans en Svizra e lur munds da vita fitg variads.
Funtaunas: Constituziun federala (Cst.), SRG SSR, Uffizi federal da statistica, Uffizi federal da cultura, Fundaziun da medias Civis, Annuari "Qualitad da las medias 2022" da l'Universitad da Turitg, ZHAW Lavur sociala, Institut per diversitad e participaziun sociala, Moviment svizzer da battasendas.
Actualisà l'ultima giada: december 2023
La SSR è partenaria da la fundaziun da medias Civis
Co ch'ins vesa in l'auter dependa fermamain dal maletg dal visavi ch'ins survegn preschentà. CIVIS sa concentrescha sin radio e televisiun, medias socialas e kino. Quels differents champs represchentan savens ideas fitg diversas e cuntradictoricas da migraziun, integraziun e diversitad culturala.