SRG SSR

Televisiun

Televisiun

SRG TV-Karte rm

 

La SSR porscha set programs da televisiun ed emissiuns rumantschas:

  • trais programs tudestgs da Schweizer Radio und Fernsehen (SRF)
  • dus programs franzos da Radio Télévision Suisse (RTS)
  • dus programs talians da Radiotelevisione svizzera (RSI)
  • emissiuns rumantschas da la Radiotelevisiun Svizra Rumantscha (RTR) sin SRF 1

Part al martgà

La part al martgà dals programs da televisiun da la SSR munta en las trais regiuns linguisticas a tranter 30,3 e 37,9 pertschient (2013), en il meglier temp (primetime) - da las 18.00 a las 23.00 - a tranter 36,7 e 45,7 pertschient (2013). Sch'ins cumpareglia ils singuls programs, lura cuntanschan ils emprims programs da la SSR en tut las regiuns linguisticas cun distanza la pli gronda part al martgà.

Ils programs da televisiun da la SSR èn en concurrenza cun numerus programs esters da la medema lingua. Envers ils organisaturs da l'exteriur ha la SSR dentant l'avantatg ch'ella porscha programs da televisiun che mettan las particularitads svizras en il center. Las Svizras ed ils Svizzers - da lingua tudestga, franzosa, taliana u rumantscha - èn aderents fidaivels dals programs indigens, surtut en dumondas d'infurmaziun e magazins, da sport e films dramatics. Soaps, talks e serias guardan els plitost er ina giada tar la concurrenza estra. 

Datas d'utilisaziun da la televisiun

La part al martgà da las emissiuns da televisiun è in indicatur impurtant per il success dals programs. Admeira SA che commerzialisescha la reclama en ses programs publitgescha mintga di sin sia pagina d'internet las parts al martgà da las diesch meglras emissiuns (betg mo dals programs da la SSR). I po vegnir tschertgà tenor las categorias perioda da temp, regiun, gruppas en mira e tip d'emissiun.

RSIRTRRTSSRFSWI