SRG SSR

Taxas da recepziun per radio e TV

Taxas da recepziun per radio e TV

Persunas che vivan en Svizra e che recepeschan programs da radio u televisiun oblighescha la lescha da radio e televisiun (LRTV) da pajar taxas da recepziun, tuttina independentamain da las emissiuns ch'ellas taidlan u guardan ed independentamain via tge vectur (antenna, cabel, satellit, telefonin, internet) ch'ellas fan quai. Liberadas da pajar taxas pon vegnir mo persunas cun dretg a prestaziuns da l'AVS e da l'AI che retiran prestaziuns tenor la Lescha federala davart las prestaziuns supplementaras tar l'assicuranza da vegls, survivents ed invaliditad. 

Dapi il 1998 incumbensescha la Confederaziun la firma Billag d’incassar las taxas respectivas. La Billag ha ultra da quai l’incarica d’infurmar la populaziun davart l’obligaziun da s’annunziar e da pajar taxas. Tut quai che las persunas obligadas da pajar taxas ston savair davart las tariffas sut www.billag.ch

L'autezza da las taxas vegn fixada dal Cussegl federal. Las entradas èn prevesidas per gronda part per finanziar ils programs da radio e televisiun da la SSR (service public). Ina part da quellas obtegnan organisaturs da radio e televisiun privats che adempleschan tenor lur concessiun in mandat da prestaziun spezial. Ultra da quai vegn ina part da las taxas impundida per promover novas tecnologias, per far studis da l’utilisaziun radiotelevisiva, per cuvrir ils custs per administrar las frequenzas (UFCOM) e per incassar las taxas da recepziun (Billag).

Quels che pajan taxas en Svizra tudestga, en la Romandie, en Svizra taliana u rumantscha pajan tuts il medem import ed han tenor la lescha il dretg da survegnir programs equivalents.

Svilup da las taxas da recepziun per persunas privatas (incl. 2,4 % TPV)

Onn Radio (en CHF) Televisiun (en CHF) Total
1987-1990 94.80 184.80 279.60
1991-1992 118.80 231.60 350.40
1993-1994 153.60 243.60 397.20
1995-1999 160.80 248.40 409.20
2000 162.00 270.00 432.00
2001-2002 162.00 270.60 432.60
2003-2006 169.00 281.40 450.40
2007-2010 169.00 293 462.00

Taxas da recepziun per radio e tv a partir dal schaner 2011 (incl. 2,5 % TPV)*

Onn Radio (en CHF) Televisiun (en CHF) Total
2011-2015 169.15 293.25 462.40

Taxas da recepziun per radio e tv a partir dal matg 2015 (senza 2,5 % TPV)

Onn Radio (en CHF) Televisiun (en CHF) Total
2015- 165.00 286.10 451.10

Las taxas per la recepziun professiunala e commerziala pon vegnir consultadas sin la website da la Billag SA (Gebührenübersicht). 

* Adattaziun da la TPV

Link

Taxas da recepziun

Dumondas frequentas

RSIRTRRTSSRFSWI