SRG SSR

Incumbensa

Incumbensa

La SSR garantescha cun ses service public il provediment da la populaziun svizra cun programs da radio e televisiun e procura per ina diversitad d'opiniuns. La SSR represchenta però er a moda cumplessiva la realitad svizra sin plaun naziunal e linguistic-regiunal e tar il radio era sin plaun regiunal, e quai en tut ils champs relevants per la societad – da la politica, la cultura e l'economia fin al sport ed il divertiment.

E betg il davos contribuescha la SSR al spiert da cuminanza da las differentas parts da la Svizra, al barat tranter las regiuns linguisticas ed a la chapientscha vicendaivla da las differentas culturas. U ditg cun auters pleds: la SSR sa differenziescha da purschiders commerzials, perquai ch'ella

  • resguarda tut las regiuns linguisticas, sco era las maioritads e las minoritads
  • offra ina varietad da temas, da cuntegns e da furmas da concepziun
  • na preschenta betg mo la cultura, mabain creescha era cultura
  • na metta betg en il center la quota, mabain la qualitad, la credibladad e la relevanza
  • è independenta d'interess politics ed economics.
Metro

Tge è l'incumbensa da la SSR? Tge signifitga service public? Las respostas a questas ed a bleras ulteriuras dumondas chattais Vus sin SSR Metro.

Video: il service public per la Svizra

SRG CH
RSIRTRRTSSRFSWI