SRG SSR

Il radio digital DAB

Il radio digital DAB

DAB rm


Tge è DAB?

Digital Audio Broadcasting, abrevià DAB, è ina tecnica standardisada en l'entir mund per transmetter a moda digitala signals da radio tras l'aria. La tecnica da DAB permetta da recepir dapertut – per exempel er en l'auto – e senza disturbis programs da radio en ina fitg buna qualitad acustica.

La SSR emetta tut ses programs da radio via DAB. Tranter auter pudais Vus recepir da nov programs ch'ins pudeva fin ussa tadlar mo via cabel u satellit. Actualmain èn disponibels en Svizra, tut tenor regiun linguistica en in'autra cumbinaziun, 10 fin 13 programs da radio via DAB/DAB+. Il commerzi spezialisà offra oz ina vasta paletta da radios digitals.

Per recepir ils programs da radio da la SSR a moda digitala sur l'antenna, duvrais Vus in radio digital dal standard DAB/DAB+. DAB+ remplazza DAB, il standard d'enfin ussa. En il commerzi spezialisà datti gia ina gronda purschida da radios digitals DAB+.


La SSR promova il radio digital

La SSR sustegna il success dal radio digital cun pliras activitads: en il center stat d'ina vart la collavuraziun intensiva cun il commerzi spezialisà ed ils importaders (material da marketing, promoziuns, scolaziuns, etc.), da l'autra vart la propaganda cun ils spots da televisiun ed ils trailers da radio.

RSIRTRRTSSRFSWI