SRG SSR

Mobile Stories

Mobile Stories

Suenter trais rundas da concurrenza cun serias da web classicas e per part interactivas èsi uras da provar cun furmas novas: «Short-Web-Stories», filmadas cun meds pli simpels e per in'emprima evaluaziun sur differents chanals da social media sin il smartphone.

En il rom d'ina concurrenza ha la SRG SSR appellà per l'emprima giada la primavaira 2017 cineastas e cineasts da sviluppar e d'inoltrar contribuziuns per quest format. 

Ils victurs 2017 

A chaschun da l'emprima ediziun da Mobile Stories ha la giuria valità 25 projects inoltrads. La giuria ha elegì ils suandants projects ch'èn uss en producziun per vegnir emess quest onn: 

Mobile Veggies (RTS): DNA Studios da Bulle producescha questa seria da stop-motion, nua che verduras e fritgs animads tematiseschan fatgs actuals da la cultura da pop. Ils videos curts vegnan postads mintg'emna a partir dals 18 da settember fin ils 31 da december sin ils chanals da social media da RTS (Snapchat Tataki / Instagram Tataki / Facebook Tataki / Youtube Tataki).

Food & Stories (SRF): Food bloggers sco Sylwina, The Cake Lady, Nom Nom, euv. preparan tutorials simpels e creativs da recepts sco mobile stories. Ils videos da 60 secundas pon ins vesair mintg'emna a partir dal 1. da settember sin ils chanals da social media da SRF (Instagram / Snapchat). Davos il project stat il giuven biro creativ Get Some Popcorn da Turitg.

LEAKED (SRF): La seria mobila ficziunala da la giuvna firma da producziun TinCan Media cumpiglia indesch parts e tracta da Joris. Ses mintgadi da biro reglà vegn mess sin il chau cun in video online anonim ed ina bella proprietaria d'abitaziun. LEAKED mussa a moda variada, divertenta e rasanta l'istorgia chavistrada davart responsabladad, fugia dal mintgadi ed acquist d'independenza. La seria va a partir da l'atun 2017 sin ils chanals da social media da SRF MySchool.

Molare. News (RSI): En questa seria da mockumentary dal producent Ivan de Maria vegnan derasadas fake news, uschenumnadas «mocknews», da l'avantlieu tessinais fitg pitschen en la Leventina. RSI postescha la seria da 20 episodas a 90 secundas a partir da l'atun 2017 sin ses chanals da social media.

Hashtag

#mobilestories17

RSIRTRRTSSRFSWI