SRG SSR

TV online

TV online

Las websites da las unitads d’interpresa da la SSR infurmeschan davart ils programs e cumpletteschan quels.

www.srf.ch

La plattafurma d’internet dad SRF correspunda als novs basegns ed a las novas spetgas dal public. www.srf.ch è en il sectur da l'internet classic sco era per l’utilisaziun mobila ina funtauna d’infurmaziun fidaivla e credibla cun ina vasta purschida interactiva e divertenta. www.srf.ch porscha cuntegns per giuven e vegl, è simpel da navigar e pussibilitescha er a persunas cun in impediment dals senns in’utilisaziun favuraivla. Ultra da la diversificaziun en l’internet – cun purschidas supplementaras davart emissiuns da televisiun relevantas – creescha SRF agens munds online che sa manifesteschan puspè en il program da televisiun classic.

www.rts.ch

www.rts.ch cumplettescha l'offerta da Radio Télévision Suisse (RTS). Las aspectaturas ed ils aspectaturs pon far revista da las atgnas producziuns, clamar giu las novitads las pli actualas, s'infurmar davart las previsiuns da l'aura ed il program da televisiun, leger indicaziuns specificas davart il program e far part da concurrenzas u rundas da discussiun che han lieu en connex cun emissiuns u arranschaments da RTS.

www.rsi.ch

www.rsi.ch, la pagina da Radiotelevisione svizzera (RSI), infurmescha il public davart ils programs da radio e televisiun. En pli metta ella a disposiziun ina purschida en ils secturs audio e video sin giavisch en furma d'emissiuns d'infurmaziun u rubricas. Cun sites tematicas producidas aposta dat ella access als archivs da RSI.

www.rtr.ch

www.rtr.ch è la pagina d'internet cumplementara dals programs da radio e televisiun da Radiotelevisiun Svizra Rumantscha (RTR). La purschida online vegn cumplettada cuntinuadamain en il rom da la strategia da la valur agiuntada. Dapi l'entschatta dal 2005 stattan p.ex. a disposiziun tut las emissiuns d'infurmaziun dal Radio Rumantsch (RR) e da la Televisiun Rumantscha (TR) sco contribuziuns da tun e da video.

RSIRTRRTSSRFSWI