SRG SSR

Dieta naziunala

Dieta naziunala

Senn ed intent da la Dieta naziunala

Per ils commembers dals gremis da la societad organisescha il secretariat central per regla ina giada l'onn ina dieta u ina dieta naziunala per tut ils commembers en collavuraziun cun las societads regiunalas. Ella serva sco forum da scolaziun e da discussiun che duai contribuir al svilup ed al rinforzament da la societad en vista a sia rolla sociala, sia incumbensa d'accumpagnar ils programs e sia incarica da manar e promover il discurs davart il service public audiovisual.


In sguard retrospectiv

Dapi il 2005 èn vegnids tractads ils suandants temas:

  • 2005: Il service public audiovisual – tratgs communabels e modas da vesair differentas
  • 2006: L'identitad, la rolla e las resursas da las uniuns purtadras
  • 2007: L'UFCOM e las uniuns purtadras da la SSR
  • 2008: Definir e controllar la qualitad dal program
  • 2009: Las uniuns purtadras sin lur via ad ina nova rolla en la societad. Infurmaziuns detagliadas davart la dieta incl. video chattais Vus qua.
  • 2010: Il sport ed il service public, ensemen cun la Cussegliaziun da dretg e da cumins a Bienna, «Bieler Tagung» RGB. Infurmaziuns detagliadas davart la dieta incl. video chattais Vus qua.
  • 2011: Las uniuns purtadras da la SSR: sur u entamez la politica? Ina dieta a Berna. La documentaziun davart la dieta ed il video chattais Vus qua.
  • 2012: La regurdientscha sociala sco prestaziun per il service public (2012). Dieta naziunala a Lugano. Infurmaziuns detagliadas davart la dieta incl. videos chattais Vus qua.
  • 2013: Reclamas e taxas: la furmla magica dal service public? Dieta naziunala a Montreux. Infurmaziuns detagliadas davart la dieta chattais Vus qua.
  • 2014: Service public e divertiment. Dieta naziunala a Lucerna. Infurmaziuns detagliadas davart la dieta chattais Vus qua
  • 2015: Nossa contribuziun a la democrazia – tge è la contribuziun publicistica da la SRG SSR a la democrazia? Dieta naziunala a Cuira. Infurmaziuns detagliadas davart la dieta chattais Vus qua.
  • 2016: Il servetsch public audiovisual en l'Europa ed en Svizra, ils problems en connex cun quel e las sfidas per l'avegnir. Infurmaziuns detagliadas davart la dieta chattais Vus qua.

La refurma da las structuras

    Las emprimas dietas han gì lieu il temp ch'ins ha elavurà la restructuraziun da la SSR pretendida dal Cussegl federal. Ils puncts principals da questa restructuraziun èn stads:

  • il cussegl d'administraziun vegn incaricà cun la direcziun generala nundividida da l'interpresa, 
  • las suprastanzas regiunalas sa participeschan a las fatschentas ch'èn relevantas per il program ed impurtantas per la regiun,
  • ils cussegls dal public pon accumpagnar e giuditgar pli fitg la purschida publicistica ed il barat d'experientschas vicendaivel vegn promovì,
  • l'incumbensa dals cussegls regiunals da protocollar las sensibilitads politicas e culturalas da la societad civila da lur regiuns vegn accentuada.
  • Cun concepts programmatics, incumbensas da controlla e la reassegnaziun durabla dals meds finanzials a chadainas da program u secturs da purschida han ins creà instruments e proceduras cun potenzial da svilup che permettan la participaziun dals organs regiunals e che resguardan ina separaziun da las pussanzas equilibrada. Ils temas da las emprimas dietas dals gremis han per part anticipà e per part accumpagnà quest svilup.

RSIRTRRTSSRFSWI