SRG SSR

Surveglianza davart radio e televisiun

Surveglianza davart radio e televisiun

La surveglianza dal program vegn percepida en emprima lingia dals servetschs da mediaziun dals organisaturs. Tgi che n'è betg d'accord cun ina publicaziun redacziunala da la SSR, po pia sa drizzar al servetsch da mediaziun. Suenter la conclusiun da la procedura da reclamaziun dal servetsch da mediaziun pon ins recurrer tar  l'Autoritad independenta da recurs davart radio e televisiun (AIRR). Las decisiuns da la AIRR pon vegnir tratgas vinavant al Tribunal federal.

La SSR appartegna a la fundaziun Cussegl svizzer da la pressa. Il cussegl da fundaziun da l’organ da controlla da la pressa svizra ha approvà ils 5 da zercladur 2008 il schlargiament da l'uniun purtadra. Cun far part dal cussegl da fundaziun renconuscha la SSR il Cussegl svizzer da la pressa sco organisaziun d’autoregulaziun per la part redacziunala da las medias, sco era il codex etic-professiunal da la «Decleraziun da las obligaziuns e dals dretgs da las schurnalistas e dals schurnalists».

L'Uffizi federal da communicaziun (UFCOM) ha la surveglianza administrativa e finanziala dals organisaturs da radiodiffusiun. La surveglianza finanziala da la SSR ha il Departement federal per ambient, traffic, energia e communicaziun (DATEC). En la pratica giogan las proceduras da surveglianza en ils secturs da la reclama e dal sponsoring la pli gronda rolla. L'uffizi federal publitgescha sias decisiuns. Cunter quellas pon ins recurrer al Tribunal administrativ federal e silsuenter per regla al Tribunal federal.

RSIRTRRTSSRFSWI